Constitution and Bylaw

               CHIN CHRISTIAN CHURCH 

             (DISCIPLES OF CHRIST)

               INDIANAPOLIS, IN, USA

 

CONSTITUTION (HRUAINING PHUNGHRAM)

 

DAL 1 NAK              MIN LE UMNAK HMUN

1:1       Hi Khrihfabu a min cu Chin Christian Church (CCC) ti a si lai.

1:2       Hi Khrihfabu cu Indianapolis, Indiana State, USA ah a um mi a si lai.

 

DAL 2 NAK              TINHMI

2:1       Zesuh Khrih ah pumkhat kan si.

2:2       Zesuh Khrih a khamhnak thawng tta karhter.

2:3       Khrihfabu chung ah taksa, thinlung le thlarau lei tthan cho ter.

2:4       Khrihfabu chungtel chiatnak le tthatnak ah I zohkhenh.

2:5       Kan Chin miphun Nunphung, Ca, Holh, Bia le Hla kilven le tthan cho ter.

 

DAL 3 NAK              ZUMHNING/POMNING

3:1       Thum komh Pathian (Trinity – Pa, Fapa, Thiangthlarau) a zum/pom mi.

3:2       Bible cu Pathian thawchuah hnawh mi a si tiah a zum/pom mi.

3:3       Tipil innnak a zum/pom mi.

3:4       Bawipa zanriah a zum/pom mi.

3:5       Zumtu vialte tlangbawi sinak a zum/pom mi.

3:6       Khrihfabu kip he rianttuan ttinak (Ecumenism) a pom mi.

 

DAL 4 NAK              CHUNGTEL SINAK LE DONGHTERNAK

4:1       Khrihfabu Hruainak phunghram (Constitution), zulhphung (Bylaws) le  zumhning a pom mi a si lai.

4:2       Chungtel a sinak cu ca in a langh ter lai.

4:3       Thihnak ruang siseh, bu dang le hmundang I tthial tikah chawva in le mipum in siseh a langhter lo ah cun chungtel sinak in donghter a si lai.

 

DAL 5 NAK              HRUAINAK LE RIAN TTUANNAK

5:1       Khrihfabu hruai ning le rianttuan ning cang cu a tang lei a dot dot bantuk in a si lai.

  1. General Assembly (G.A)
  2. Executive Committee (E.C)
  3. Deacons Committee (D.C)
  4. Officer Council (O.C)

5:2       Khrihfabu rianttuannak i a sang bik nawl ngei tu cu General Assembly (Bupi) a si lai.

 

DAL 6 NAK              THIMNAK LE RIAN TTUAN CAAN

6:1       General Assembly Meeting (Bupi Meeting) cu kum khat ah voi khat kum dongh lai fatin tuah a si lai.

6:2       Hruaitu upa thimnak cu kum hnih dan ah tuah a si lai.

6:3       Executive Committee (E.C) Meeting cu thla li ah voi khat tuah a si lai.

6:4       Deacons Committee (D.C) Meeting cu thla hnih ah voi khat tuah a si lai.

6:5       Officer Council (O.C) Meeting cu a herh ning in tuah a si lai.

6:6       Committee pawl

Committee pawl cu Nubu, Mino, Sunday School, Pulpit, Building, Nunphung/Zatlang, Music, Thilri (Property) an si hna lai I a herh ning in an I tong lai I an duh herhmi cu Executive Committee (E.C) ah an chuah pi hna lai.

6:7       Meeting

Meeting tuah poh ah chungtel member hnar cheu in a cung lei an kai

lawng ah tuah khawh a si lai. Meeting tuah awk ah quorum tlin lo ah cun

a voi hnihnak meeting auh tthan a si lai. A voi hnihnak cu a chuak zat

poh in tuah I bia khiah khawh a si cang lai.

 

DAL 7 NAK              KHRIHFABU PHAISA HMUHNAK

7:1       Khrihfabu phaiza hmuhnak cu a tang lei bantuk in a si lai.

  1. Cheu hra cheu khat
  2. Pumhnak thawhhlawm
  3. Pumpak, Chungkhar, Bu dang pa khat khat nih lung tho te in pek mi

7:2       Kum fatin Budget cu Executive Committee (E.C) nih a ceih lai I General Assembly (Bupi) nih a feh ter lai.

 

DAL 8 NAK              KHRIHFABU PHAISA LUHCHUAHNAK

8:1       Khrihfabu min in ngunkeng (Treasurer) le Ngunkeng bawmtu (Assistan Treasurer) nih Bank Account an tuah lai.

8:2       Khrihfabu cu US cozah sinah Non-profit Organization diarhmun in register a tuah lai.

 

DAL 9 NAK              PEH TLAIHNAK

9:1       Zumhnak aa khat mi Khrihfabu dang dang he peh tlaih khawh a si lai.

9:2       Mission riantuannak in siseh Khrihfabu le Lai miphun tthanchonak ah tinh mi a khat I rianttuan tti a duh mi bu an um ah cun Executive Committee (E.C) hna tlaknak in peh tlaih khawh a si lai.

 

DAL 10 NAK                        PHUNGHRAM KILVENNAK LE REMH TTHANNAK

10:1     General Assembly (Bupi) Meeting a kai mi chung in hnarcheunak tam hnatlaknak lawng ah phunghram remh khawh le hrawh khawh a si lai.

10:2     Khrihfabu chung in chungtel pakhat nih phunghram thlen, remh le hrawh a herh tiah a ruah ah cun a ruahnak cu ca in a tial lai I Executive Committee (E.C) ah a chuah pi lai. E.C nih hna a tlak pi ah cun General Assembly (Bupi) ah a chuah pi tthan lai.

10:3     Bylaws he a pehtlaih in remhawk, chap awk le hrawh a duh mi an um ah cun Executive Committee (E.C) hna tlaknak in feh ter a si lai.

 

 

**********************************************************

                        BYLAW (ZULH PHUNG)

 

  1. Chin Christian Church zulh phung (Bylaw) cu Chin Christian Church chungtel (member) dihlak nih zulh awk a si lai.

 

  1. Khrihfabu chungtel chung ah
  2. Pastor (Tukhal)
  3. Khrihfa bu hruaitu upa
  4. Mipi chungtel       tiah tthen an si.

 

  1. Pastor (Tukhal) cu chungtel lak ah lutlai nawl ngei a si lai.
  2. Tukhal pawl

Tukhal chung ah Pastor ke Khrihfa upa (Deacons) tiah tthen an si lai I zumh awk tlak mi le bochan awk tlak mi an si lai.

  1. Khrihfabu Hruitu upa

Committee cio I an hruaitu upa pawl an si lai. Nubu chung ah nubu hruaitu, Mino chung ah mino hruaitu, Sunday School chung ah Sunday School hruaitu….tibantuk in a herh ning in tuah mi Committee cio chung in hruai tu upa pawl an si. (Constitution – phunghram Dal 6:6 ah zoh)

  1. Mipi Chungtel

Khrihfabu chung ah ca in a min a tel mi poh an si lai.

Tipil ing cia chungtel le tipi ing rih lo chungtel tiah an si lai.

 

  1. Lutlai I thim mi tukhal hna nawl ngeihnak le riantuannak
  2. Pastor kawl ning phungphai

Chin Christian Church Pastor cu a tang lei bantuk a si lai.

  1. Chin miphun a si lai.
  2. Min chiatnak a ngei lo mi a si lai.
  3. General Assembly (Bupi Meeting) hnatlaknak in thim a si lai.
  4. Mirang holh le mirang ca a thiam mi a si lai.
  5. Khrihfabu nih a ngeih mi phung hram a zul duh mi a si lai.
  6. CCC Pastor cu CCC nih a ngeih mi asi lai.

 

  1. Pastor Zulh Phung
  2. Khrihfabu chung riantuannak ah siseh, Khrihfabu leng riantuannak ah siseh Khrihfabu hnatlak pi nak a si lo ah ka kiat, nawlngei, lutlai Khrihfa upa hnatlak pinak um lo in zei hmanh a tuah lai lo.
  3. Khrihfabu nih a pek mi thla hlawh a lung a tlin ko ah cun phaisa hmuhnak rian dang zei hmanh a ttuan lai lo.
  4. Pastor cu meeting poh ah ruahnak cheu tu lawng a si lai. Khrihfabu chung riantuannak ah siseh, bu te rian ttuannak ah siseh (direct) deng teo in a thlak lai lo.
  5. Rian phuah a duh ah cun thla a hlan khan in Officer Council (O.C) sin ah ca in a langh ter lai.

 

  1. Pastor Rian

(II Tim 3:17 – Cucaah cun Pathian riantuantu a simi cu zeizong zeizong ah tlamtlingmi a si awk le thil ttha phun zakip tuah khawh awkah thilthuam tling tein a ngeimi a si awk a si).

  1. Khrihfabu chungtel zapi thinlung, thlarau ti rawl zoh khenhnak caah siseh, zumnak tthanchonak caah siseh, Khrihfabu chung dawtnak rualremnak caah a lu bik asi lai.
  2. Biak inn ah siseh, hmun dangdang pumhnak cawn piaknak ah siseh, phunchimnak cu Pastor lam hruainak in a si lai. Thlarau lei riantuannak ah ttuanvo a ngei bik tu a si lai.
  3. Khrihfabu chung tthitum kutsihnak ah siseh, ngeihchiatnak hmun mithi vuinak ah siseh Pastor le Khrihfa upa hna tlaknak in a si lai.
  4. Khrihfabu leng ah Khrihfabu he a pehtlai in meeting tuah le khuakhan nak ah a tel le a um ve ah cun an khuakhannak le biakhiahnak kha Executive Committee (E.C) sin ah a pek lai. Asi lo ah copy a chuah pi lai.
  5. Executive Committee (E.C) nih hnatlak pi nak a ngeih ah cun kum hnih (2) tiang a peh lai. Kum hnih a tlin in General Assembly (Bupi) nih a kong an ceih tthan lai.

 

  1. Khrihfa upa rian (Deacon Committee, D.C)

(Lamkaltu 20:28 – Nanmah lila kha I veng u law nan zohkhenh awk ah thiang thlarau nih an pek mi hna turun kha ttha te in va zohkhenh hna uh. Pathian nih amah fapa thihnak thawng in a mah taah an ser mi Khrihfabu tukhal kha si ko uh)

  1. Khrihfa upa pawl cu Pastor le Khirfabu chung committee dang dang hna he neih te in rian an ttuan lai I bawmh an herh nak poh ah an si khawh chung in an tel pi lai.
  2. Pastor a um lo chung poh Khrihfabu chung ah a herh mi vialte cu ttuan vo la tu an si lai
  3. Committee dang dang ah zohkhenh tu an si lai.
  4. A herh ning in committee an ser khawh lai. Pumhnak kip ah an cawl cang lai.
  5. Khrihfa upa chung in thim chin mi upa an um lai i a tang lei bantuk an si lai.
  6. Officer Council (O.C)

Thim chin mi upa paruk (6) hna cu Officer Council (O.C) kakiak tiah auh an si lai.

  1. Chairman Vice Chairman
  2. Secretary Assistant Secretary
  • Treasurer Assistant Treasurer             tiah thim an si lai.
  1. Khrihfa upa cu General Assembly (Bupi) nih a thim lai.
  2. : 1 Chairman (Lutlai)
  3. Khrihfabu cung rianttuannak le chiatthatnak ah hruai tu le a lu bik a si lai.
  4. Meeting tuah hlan ah a herh mi agenda a ruat tu le a khawm tu a si lai.
  5. Hruaimi le hruatu karlak ah siseh, hruaimi le Pastor karlak ah siseh, Pastor le hruaitu karlak ah siseh Khrihfabu ngandamnak le rianttuannak ah tluang le ttha ten a kal khawhnak hnga lam kal tu a si lai.
  6. A herh tik ah Officer Council (O.C) hnathlk pinak in lakhruak meeting cu a auh lai.
  7. Executive Committee (E.C) nih hna a tlak pi ah cun kum hnih tiang peh in a ttuan lai. Kum hnih a tlin hnu ah mipi nih a thar in a thim tthan lai.
  8. Chairman cu General Assembly (Bupi) nih a thim lai.

6:2 – Vice Chairman

Chairman a um lo poh ah siseh, Chairman nih ttuanvo a pek ah siseh, Khrihfabu chung ah chairman aiawh in nawl ngeihnak a ngei lai.

6:3 – Secretary (Chungtuan)

Khrihfabu chung riantuannak ah biapi bik pahnihnak a si lai.

  1. Khrihfabu chung riantuannak le thil ngeih mi vialte cazin ttha ten a chiah dih lai.
  2. Meeting tuah mi biachan mi vialte tthaten in cauk ah a khumh dih lai.
  3. Bia khiah cang mi vialte kha upa pawl a phawt dih hna lai.
  4. Mipi sin ah thawngthanh awk a herh ning in a theih ter hna lai.
  5. Meeting I chuahpi ding agenda cu Officer Council (O.C) nih an ni ceih hnu ah ca he ttha ten a ttial lai I meeting sawmnak a tuah lai.
  6. Meeting tuah hlan ah a dih cia mi biachahnak chung in tuah cang mi le tuah hrih lo mi rian ttha ten a langh ter hmasa lai.
  7. Khrihfabu chung tel cazin ttha ten a chiah lai I Khrihfabu chung (Committee) dangdang pawl nih an bia khiah mi le report poh a mah sin ah recod a tuah dih lai.
  8. Executive Committee (E.C) nih hna a tlak pi ah cun kum hnih tiang peh in a ttuan lai.
  9. Secretary (chungtuan) cu thimthar mi Khrihfa upa D.C nih a thim lai.

 

6:4 – Treasurer (Ngunkeng) le Assistant Treasuerer (Ngunkeng a bawmtu)

  1. Khrihfabu pi caah an thawh mi thawh hlawm, cheu hra cheu khat le a dangdang phaisa poh poh cu ngunkeng le a bawmtu nih a tleih lai.
  2. An pahnih min in bank account an tuah lai. Phaisa a lut lei he a chuak lei he a pahnih in an theih lai.
  3. Thla li dan E.C meeting ah phaisa chuah luhnak financial report cu ca in an tuah lai.
  4. Nawl ngeitu (ka kiak) upa nih bia khiahnak an tuah dih hnu le chairman min tthut a um lawng ah phaisa chuah piak a si lai.
  5. Tangka luh chuahnak voucher/receipt ttha te in an fim lai.
  6. Auditor nih tangka cazin a zoh dih hnu ah cazin thar lengmang in a tuah lai. A hlun le a thar a fonh lai lo.
  7. Auditor nih tangka cazin a zoh dihnak ni le thla he fiang te in a min a thut ter lai.
  8. Executive Committee (E.C) nih hna a tlak pi ah cun kum hnih tiang peh in a ttuan lai.
  9. Treasurer le Assistant Treasurer cu thimthar mi D.C nih a thim lai.

6:5 – Auditor

  1. Khrihfa upa nih chungtel member chung in pahnih (2) an thim lai.
  2. Khrihfa bupi he a pehtlaih mi thangkaa pohpoh thla li (4) dan ah audit (check) an tuah lai. Audit ni ah min an tthut lai I nithla ttha te in an ttial chih lia.
  3. An hmuh mi kong kha Executive Committee (E.C) ah an chuah pi lai. Report ca in an pek lai I Secretary sin ah copy an pek lai.

 

  1. Nubu
  2. Khrihfabu tthanchonak caah nubu lei in a hlei in ttuanvo laa tu an si lai.
  3. Phung hram pi le zulh phung ning he a kalh in an cawl cang lai lo.
  4. A herh ning in an mah te in meeting an tuah lai i biakhiahnak an ngei lai. A herh ning in Pastor le zohkhenhtu khrihfa upa kha an sawm hna lai. Ruahnak lawng an cheuh khawh lai, vote an ngei lai lo. Biakhiahnak an ngeih mi cu Church Secretary sin ah ca in thawng an thanh lai.
  5. Cawl cangh an duh mi le an herh mi phaisa kong cu Deacon Committee (D.C) hna tlak pinak an hal hmasa hna lai.
  6. An hmuh mi phaisa chung in cheu hra cheu khat cu bupi sin ah an pek lai. A tang mi cu an mah te in an I fim lai. An hmannak cazin copy cu Secretary an pek lai.
  7. Executive Committee (E.C) nih hna a tlak pi ah cun kum hnih tiang peh in a ttuan lai.
  8. Nubu chairman lawng General Assembly (Bupi) nih a thim lai I a dang poh cu an mah ten an I thim lai.

 

  1. Mino
  2. Khrihfabu tthan chonak ding caah mino lei in ttuanvo la tu an si lai.
  3. Phung hram pi le zulh phung ning he a kalh in an cawl cang lai lo.
  4. A herh ning in an mah te in meeting an tuah lai i biakhiahnak an ngei lai. A herh ning in Pastor le zohkhenhtu khrihfa upa kha an sawm hna lai. Ruahnak lawng an cheuh khawh lai, vote an ngei lai lo. Biakhiahnak an ngeih mi cu Church Secretary sin ah ca in thawng an thanh lai.
  5. Cawl cangh an duh mi le an herh mi phaisa kong cu Deacon Committee (D.C) hna tlak pinak an hal hmasa hna lai.
  6. An hmuh mi phaisa chung in cheu hra cheu khat cu bupi sin ah an pek lai. A tang mi cu an mah te in an I fim lai. An hmannak cazin cu Church Secretary an pek lai.
  7. Mino rualrem te le lungkhat te in an cawlcangh khawhnak hnga a bik in an ruahnak an chuah lengmang lai.
  8. Khrihfabu hruainak ah hla lei in siseh, ringawn tum (Music) lei in siseh, Khrihfabu chung chiattthat cawlcanghnak lei ah siseh, a hlei in thazang a chuah tu an si lai.
  9. Executive Committee (E.C) hna a tlak pi ah cun kum hnih tiang peh in a ttuan lai.
  10. Mino Chairman lawng General Assembly (Bupi) nih a thim lai I a dang poh cu an mah ten an I thim lai.

 

 

  1. Sunday School Hngakchia
  2. Sunday School cawnpiaknak cu phu hnih in tthen a si.
  3. Upa Sunday School
  4. Hngakchia Sunday School
  5. An mah te in a herh ning in meeting an tuah lai I a herh ning in Pastor le zohkhenhtu upa an sawm hna lai.
  6. A tlangpi in nuncan ziaza kong cawnpiaknak, Khrihfa zumhnak a hram fehternak lei cawnpiaknak le Bible hngalh thiamnak lei cawnpiaknak ah thazang chuahtu an si lai.
  7. An mah te in a herhning in le a herh zat in le a herh caan ah Khrihfabu chung in an I thim lai.
  8. Phung hram pi le zulh phung ning he a kalh in an cawl cang lai lo.
  9. A herh ning in tonak meeting an ngei lai.
  10. Meeting an ceih khan mi poh cu Church Secretary an pek lengmang lai.

 

  1. Building Committee
  2. Biakinn saknak he pehtlai in tuanvo ngei tu bik an si lai
  3. Timlamnak le cawlcanghnak an ngeih mi poh cu Executive Committee (E.C) nih hna a tlak pi hmasa lai.
  4. C Meeting poh ah an cawlcanghnak report le financial report an pek zungzal lai.
  5. Phung hram pi le zulh phung ning he a kalh in an cawl cang lai lo.
  6. Chairman lawng General Assembly (Bupi) nih a thim lai.
  7. Committee member cu a herh ning in Executive Committee (E.C) nih a thim lai.

 

  1. Pulpit Committee
  2. Pulpit Committee ah Chairman cu Pastor a si lai I phungchimtu le phungchim ding le a leng lei phungchimtu sawm awk, sawm lo awk pawl cu an ceih hna lai.
  3. Church Calendar an tuah tik ah a tlawmbik thla hnih ca leng mang in an tuah lai.
  4. Khrihfabu chung ah a tti um mi an um ah siseh, Pathian thangtthatnak caa poh ah siseh, pulpit he a pehtlai mi poh cu tuanvo la tu an si lai.
  5. Phung hram pi le zulh phung ning he a kalh in an cawl cang lai lo.
  6. Committee member cu Executive Committee (E.C) nih a thim lai.

 

  1. Riangawn (Music)
  2. Pathian thangthatnak poh ah hla le ringawn he peh tlai in tuanvo ngei tu bik an si lai.
  3. Bupi Pathian thangthatnak hmun poh ah an bau lai lo.
  4. Khrihfabu chung hlasak le ringawn lei tumnak ah ttuanvo ngei tu an si lai.
  5. Phung hram pi le zulh phung ning he a kalh in an cawl cang lai lo.
  6. Hla le ringawn thilri lei he pehtlaih in Deacons Committee (D.C) hnatlaknak in phaisa chuah piak a si lai.

 

 

 

  1. Khrihfabu chung I zoh khenhnak
  2. Khrihfa upa nih a herh ning in ttuan vo an lak lai.
  3. Krhihfa bu rian ttuannak cu ram chung ram leng tiah phun hnih in tthen a si lai.
  4. C nih bawmh awk a herh an ti ning in biakhiahnak an tuah dih hnu ah an mah nih ttuan vo an lak lai.
  5. Ram leng mission riantuannak caah biachawn tu (contact person) an si lai.
  6. Khrihfabu chung rianttuannak ah inn kip thlacam le mithar thlacam piak le mi cawnpiak tu an si lai.
  7. Bu chung in sizung a riak mi cu $100 in bawmh a si lai.
  8. Nau thar ngeih poh ah siseh, a tthi um mi an um poh ah siseh lunglawmhnak langhternak caah $50 in lawm man pek an si lai.
  9. Hmun dang in Khrihfabu ah a rak I tthial mi mithar an um ah cun kut tlaihnak caah mi pkaht asi cun $50 le inn chungkhar a si ah cun $100 in kut tlaihnak tuah a si lai.
  10. Hmun dang in lakding in thawngthanhnak a um ah cun Khrihfabu nih a herh ning in va lak a si lai.
  11. Kan fale lak ah High School diploma a awng mi, asilo ah awnnak certificate a sang mi pakhatkhat a hmu mi an um ah cun $100 lawmman pek a si lai.
  12. Khrihfabu chungtel chungkhar le ramleng u nau taktak (Immediate family) thih loh nak an ton ah cun ngeihchiat pinak ah $100 in bul a si lai.
  13. Khrihfabu member chung ah thih lohnak le harsatnak taktak a tong mi an um ah cun Khrihfabu nih a herh ning in bawmh a si lai.

   

  1. Nunphung le Zatlang
  2. Khrihfabu chungtel vialte nih Lai nunphung theih khawhawk caah ttuan vo la tu an si lai.
  3. An mah te in Lai phungthluk, Lai tuanbia phunglam le ca khawmh suat khawh an I zuam lai. Capar in chuah khawh an I zuam lai.
  4. Lai ram lei in siseh, hmun dang dang in siseh, Magazin chung telh awk capar kuat a herh tik I kuat awk ah capar an ngei zungzal lai.
  5. Kum khat ah cauk pakhat chuah khawh an I zuam lai.
  6. CACC riantuan tu hna he pehtlaihnak an ngei lai.
  7. An riantuannak pohpoh cu Committee nih ttha tein an ceih hnu ah E.C ah report a tuah lai I E.C biakhiahnak in an ttuan lengmang lai.
  8. Phaisa he pehtlaih in E.C sin ah a theih ter lai.
  9. Phung hram pi le zulh phung ning he a kalh in an cawl cang lai lo.

 

  1. Thilri tawlrel tu (Property Committee)
  2. Biakinn nih a ngeih mi thilri zoh khenhtu ah thim an si lai.
  3. Khrihfabu nih angeih mi thilri cazin ttha te in a ttial I a khumh dih hnu ah a fim lai. Copy cu Church Secretary sin ah a pek lai.
  4. Khrihfabu nih kan herh mi thil ri le a herh bau mi ruahnak chuah tu a si lai.
  5. Biakinn thilri ning cang te in an um le um lo ttha te in a ngait hlai lengmang lai.
  6. A chanbau mi le a herhnak a um poh ah a herh ning in Officer Council (O.C) sin ah siseh, E.C ah siseh a thanh lai.

 

THIMNAK LE RIANTTUAN NING CANG

 

  1. Thimnak

Khrihfabu kilven zoh khenhnak le I tthit hruainak caah zalong te in mipi chungtel nih thim an si lai. Thim mi le thim tu tiah an um lai.

  1. Khrihfabu Thimtu upa hna cu a voi thumnak Executive Committee (E.C) hna tlaknak in an thim lai I thim mi upa cu mipi thimnak ah an chuahpi lai. Thimnak ah vote a ngei kho mi cu chungtel tipil a ing cia mi an si lai.
  2. Thim mi chung ah a tel kho ding mi hna cu
  3. Chuntel (Member)
  4. Tipil a ing cang mi
  5. Kum hleiriat (18) tlin cang mi an si lai.
  6. Thim mi hna rian ttuan caan le thlen caan zong an I khat dih lai.
  7. Thimnak Tuah Ning Cang
  8. Khrihfa upa cu General Assembly (Bupi) nih thim hmasa bik an si lai.
  9. Thimmi Khirhfa upa chung in General Assembly (Bupi) nih Chairman a thim lai.
  10. Committee dangdang Chairman cu General Assembly (Bupi) nih a thim lai.
  11. Committee dangdang lutlai hna cu an mah le department cio in an mah ten an I thim lai. An I thim tik ah Officer Council (O.C) an sawm lai.
  12. Sunday School he a pehtlaih mi poh le cawnpiaknak he a pehtlaih mi poh cu Executive Committee (E.C) nih a herh ning in a herh caan ah a thim lai.
  13. Thim thar mi upa cu zarhkhatnak ah Pastor nih thla a cam piak hna lai.
  14. Khrihfa upa thim dih hnu, rian an I chanh dih in thla khat chung ah Pastor kong cu thimthar mi Executive Committee (E.C) nih ceih lai.
  15. Mithar an thim hna hnu zarh hnih tiang hruaitu hlun nih Khrihfabu rian tuanvo an lak lai.

 

  1. Officer Council (O.C)
  2. Thim cia mi khrihfa upa chung in thimchin mi upa paruk (6) an si lai. Officer Council (O.C), nawlngei, kakiak tiah auh an si lai. (Chairman, Vice Chairman, Secretary, Assistant Secretary, Treasuere, Assistant Treasurer hi O.C cu an si)
  3. C sin ah rianttuanawk a herh mi le ruahnak thar a um mi poh cu a phan hmasa lai.
  4. A biapi deuh tiah ruah mi le ceih khawh lo mi cu Deacon Committee ah an luh pi lai.
  5. Pastor a um lo chung Khrihfabu chung ah a herh mi vialte ttuanvo la tu an si lai.
  6. C nih $500 tiang hmannak nawl a ngei lai.
  7. C cu thla khat ah voikhat an I tong lai I a herh ning in Emergency Meeting a auh khawh lai.

 

 

  1. Deacons Committee (D.C) (Khrihfa upa)
  2. Deacons Committee (D.C) cu thim mi Khrihfa upa an si lai.
  3. C nih Agenda a chuahpi mi siseh, Committee dangdang nih agenda an chuah pi mi siseh a ceih piak lai I biakhiahnak a tuah lai.
  4. C nih a ceih khawh lo mi cu Executive Committee (E.C) ah an lanh pi lai.
  5. C nih $1000 tiang hmannak nawl a ngei lai.
  6. Thla hnih (2) dan ah voikhat lengmang meeting an ngei lai.
  7. Kum dongh meeting cu E.C ah a fonh lai.

 

  1. Executive Committee (E.C)
  2. C ah Officer Council (OC), D.C (Khrihfa upa dihlak), le Committee dang dang lutlai (Chairman) le chungtuan (Secretary) poh an si lai.
  3. Khrihfabu biaceihnak ah a pahnihnak a sangbik ngawl ngei tu a si lai.
  4. Caan karlak a chambau mi lutlai rian (Eg. Pastor laknak, upa rulhnak) a um ah cun thimnak nawl ngei tu a si lai.
  5. Church Secretary, Treasurer le committee dangdang lutlai hna nih E.C meeting poh ah an riantuannak vialte cu ca in report an pek lai.
  6. Kumkhat chung Khrihfabu riantuannak budget a suaitu a si lai I General Assembly (Bupi) ah fehter ding in a chuah pi lai.
  7. Thla li (4) dan ah voikhat lengmang meeting an ngei lai.

 

  1. General Assembly (G.A) (Bupi)
  2. OC, DC, EC riantuan tu vialte le Pastor le tipil a ingcang mi le kum 18 cung a si cang mi vialte an si lai.
  3. Khrihfabu biaceihnak ah nawl ngeihnak a sang bik a ngei tu a si lai.
  4. Kumkhat voi khat (1), kum dongh lai ah meeting a tuah lai.
  5. Hruaitu upa thimnak cu kum hnih dan ah voikhat a tuah lai.

 

  1. Meeting tuah ning cang
  2. Meeting tuah tik ah a voi khatnak cu hnarcheunak tam deuh an chuah lawng ah tuah a si lai. A voi hnihnak auh than tik ah cun a chuah mi zat poh in tuah a si lai.
  3. Meeting chung ah fak nawn I I al hniarnak a um cun Meeting thial (Postpone) tuah a si lai.
  4. Meeting tuah tik ah agenda tar mi lawng tuah hmasa a si lai. A herh tuk mi a si ah cun meeting thawk hlan ah secretary sin ah a chim hmasa lai I chairman nih a hna tlak pi hnu lawng ha agenda chung ah telh le ceih a si lai.
  5. Chairman cu meeting ho tu lawng a si lai. Agenda he a tali mi poh cu chairman nih a fian ter lai.
  6. Chairman zong nih agenda poh kha fiang te in a hngalh dih lai lo caah agenda kong a thei bik tu kha chimnak caan a pek lai. Cu hnu ah Chairman nih zapi ruahnak a hal lai.
  7. Biatung derh mi ah ruahnak a khah ko ah cun nawlh lo a si lai. Al tu lei zong nih bia al nak a um ko cang ah cun duh lo nak tamtuk nolh a si lai lo.
  8. Meeting chung ah ttha te in biakhiah cang mi cu Secretary nih minute a rel cang hnu ah remh tthan khawh a si ti lai lo.

 

  1. Bawipa Zanriah hmannak
  2. Bawipa zanriah hmannak ah Pastor cu nawlngeitu bik a si lai. A mah hruainak in timh lamh a si lai.
  3. Thla khat ah voikhat hman a si lai.
  4. Khrihfa upa hna cu a herh ning in bawmtu ah fial an si lai.

 

  1. Khrihfabu chungtel rian
  2. Khrihfabu chung mi kan sinak le zumtu kan sinak kha kan ziaza, kan lungput le kantuah sernak in akn langhter lai.
  3. Pathian dawtnak le a vel kong kha kan hmur kaa in kan chim lai I nuncan ziaza ttha ngeih khawh kan ni zuam lai.
  4. Pathian ram kauhnak caah kan thawhhlawm le cheu hra cheu khat in kan I zuam lai I Khirhfabu caah kan thazang kan chuah lai.
  5. Pathian thangthatnak caah Pathian nih a kan pek cio mi (talent) pahrang cio cu lung tak te in hman kan I zuam cio lai.
  6. Thla thum chung mipum siseh, chawva siseh a langhter lo ah cun Pastor le Khirhfa upa nih an len lai.

 

  1. Chungttuan I dinhnak
  2. Mah lungtho te in chungtel sinak in din khawh a si lai.
  3. Phung hram pi le zulh phung he a kalh in rian a ttuan le a kal ah cun Khrihfa upa nih an chimh hrin lai.
  4. Voi thum (3) tiang an chim nabu I a ngeih lo ah cun ka rian in ka dih tiah a mah te in a ruah lai.
  5. Ca in asi ah, hmur ka in a langh ter lai.
  6. A nunnak a dih i Khrihfabu nih bia chahnak an tuah tik ah ngol a si lai.

 

  1. Zulh phung fehternak

Hi zulhphung (Bylaw) cu Chin Christian Chruch nih rualrem te in rian a ttuan tti khawh nak caah tuah mi a si. A caan le um kal ning (Chan ti luan) he a rem lo mi a um ah cun remh khawh le chap khawh tthan a si leng mang lai.

 

 

Update Ni. October 20, 2013

 

 

 

 

%d bloggers like this:
search previous next tag category expand menu location phone mail time cart zoom edit close